Área de autocaravanas del Eroski

O miradoiro de Santa Cruz forma parte da ruta dos miradoiros de Ribadeo. Sitúase no monte de Santa Cruz, con vistas cara á ría de Ribadeo e o mar Cantábrico, incluíndo lugares como a ponte dos Santos, As Figueiras (Castropol) e demais paisaxes da zona.

A praia de Areosa está situada no termo parroquial de Piñeira, no concello de Ribadeo.

A praia dos Bloques é unha praia de Ribadeo situada na ría homónima. Está no lugar da Vilavella, ao sur do porto de Mirasol e preto da vila de Ribadeo, cara ao interior da ría. Está resgardada por un esporón construído paralelo á costa que é, segundo Isidoro Asensio Amor, a causa de que se acumule limo no fondo e pareza ocupar toda a extensión da ría cando baixa a marea.

A praia da Olga está situada na parroquia de Piñeira, no concello de Ribadeo. Ten unha largura media de 10 m e unha lonxitude de 50 m. Está composta por grava e rochas.

O monte Mondigo, localizado no concello de Ribadeo, na parroquia de Covelas, é o pico máis alto da barreira montañosa que separa a costa do interior na comarca da Mariña Oriental, con 569 metros de altitude. Dende el poden apreciarse vistas cara ó Mar Cantábrico e a rasa Cantábrica, e cara aos vales dos ríos Grande e Pequeno.